थेंब थेंब पावसाचा असा भिजवून गेला,
चिंब चिंब ह्या मनास असा सुखावून गेला...
चिंब चिंब ह्या मनास असा सुखावून गेला...
निळाशार आकाशात गर्दी सावळ्या ढगांची,
सांगावा पावसाचा घेऊन आली झुळूक वाऱ्याची,
स्वर कोकिळेचा आनंद सांगून तो गेला,
चिंब चिंब ह्या मनास असा सुखावून गेला...
भेट ढगांची ढगांशी, आली साद दामिनीची,
कोसळल्या सरी संपली प्रतीक्षा पावसाची,
सुखावली धरणी गंध मातीचा सांगून तो गेला,
चिंब चिंब ह्या मनास असा सुखावून गेला...
------ विभव जोगळेकर
No comments:
Post a Comment