आई-बाबांचा थोडा ओरडा खाल्ला
ते कितीही ओरडले
तरी आपण शांत राहायचं
आपण थंडच राहायचं ....||१||
हातातली मॅच गेल्यामुळे
कॅप्टनचा ओरडा खाल्ला
त्याच्या अशा बोलण्यामुळे
माझा धीर खचला
तो कितीही बोंबलला
तरी आपण शांत राहायचं
आपण थंडच राहायचं .... ||२||
एक गणित चुकल्यामुळे
ताई मला ओरडल्या
पुन्हा असं करू नकोस
असं त्या म्हणाल्या
त्या कितीही ओरडल्या
तरी आपण शांत राहायचं
आपण थंडच राहायचं.... ||३||
आपली प्रतिकारशक्ती वाढावी
म्हणून तीच औषध घ्यायची
एक गोळी रोज रोज
पाण्यात घालून प्यायची
ते कितीही कडू लागलं तरी
आपण शांत राहायचं
आपण थंडच राहायचं.... ||४||
कितीही कंटाळा आला तरी
सूर्यनमस्कार घालायचे
आई सांगते म्हणून
नाचणीचे सत्व प्यायचे
कितीही नको वाटलं तरी
आपण शांत राहायचं
आपण थंडच राहायचं...||५||
------- नहुष जोगळेकर
No comments:
Post a Comment