तुमच्यातच कुणीतरी,
मारून पहा गप्पा चार,
स्वतःशी कधी तरी...
कशाला हवेत डोळे गुंतलेले,
सतत कामात व मोबाईल मध्ये,
डोळे मिटून संवाद साधा,
स्वतःशी कधी तरी...
कशाला हवे प्रत्येक वीकएंडला,
बाहेर जाणे, मित्रांशी बोलणे,
"आनंद" शोधाया संवाद साधा,
स्वतःशी कधी तरी...
आयुष्याच्या प्रत्येक वळणावर,
प्रश्न असतात ढीगभर,
उत्तर शोधाया संवाद साधा,
स्वतःशी कधी तरी...
वाटल्यास कधी हरवलोय आपण,
दिशा भरकटली जगण्याची,
मार्ग शोधाया संवाद साधा,
स्वतःशी कधी तरी...
जेंव्हा अस्तित्वाचा प्रश्न,
उभा राहील तुमच्यापुढे,
स्वतःला शोधाया संवाद साधा,
स्वतःशी कधी तरी...
------ विभव जोगळेकर
No comments:
Post a Comment