दुचाकीवर स्वार, आली समोरून नार,
तिचा पाहुनी अवतार, मी घाबरलो फार....
संकेत डाव्या वळणाचे, नजर उजवीकडे तिची,
आली वेळ माझ्यावर, सावध गाडी चालवण्याची...
मी वाजविला हॉर्न, तिचं लक्ष वेधायला,
तिला ठाव नाही कशाचा, हेडफोन तिच्या डोक्याला...
माझी भीती खरी ठरली, दुचाकी उजवीकडे वळली,
मी जोरात ओरडलो तशी, ती गोंधळून मध्येच थांबली...
डोळे मिचकावीत म्हणाली, "सॉरी हा, लक्ष नव्हतं",
अन् भुर्रकन निघून गेली, जसं काहीच झालं नव्हतं...
---- विभव जोगळेकर
No comments:
Post a Comment