गोल गरगरीत, गोरी गोमटी, माझ्या नशिबी ऐसी आली,
Weekend आला, रविवारची, इडली माझ्या पानात वाढली...
सकाळच्या नाश्त्याला, संगे चटणी घेऊन आली,
पहिला घास घेताच, गळ्यात अडकून, पटकन उचकी लागली...
दुपार झाली, रविवारची, जेवणाची आता वेळ झाली,
ह्यावेळी सांबारात बुडून, समोर पुन्हा इडली आली...
संध्याकाळच्या जेवणाची, मनाने मात्र धास्ती घेतली,
आणि पुन्हा तेच, ह्यावेळी, पोडी पांघरून इडली आली...
सोमवार उजाडला, म्हटलं एकदा, इडली पासून सुटका झाली,
इतक्यात आईने, नाश्त्याला, फ्राय केलेली इडली ठेवली....
------ विभव जोगळेकर
No comments:
Post a Comment