बायको

तिचं वागणं असो कि बोलणं असो,
दिसणं असो, कि विचार असो,

आपल्यासाठी तो नेहमी, चेष्टेचा विषय असतो,
बायको हा नेहमी, चेष्टेचा का विषय असतो ?  ।। १ ।।
नवीन पिढी घडवणारी, 'ती' आई असते,
घराला घरपण देणारी, 'ती' गृहलक्ष्मी असते,
आई सून कर्तव्य निभावताना, बायको ही बायको असते,
तरी बायको हा नेहमी, चेष्टेचा का विषय असतो? ।।२।।
एकदाच तुमच्या नावापुढे, बायकोचं नाव लावून बघा,
स्वता:च्या अस्तित्वाला, एकदा धक्का देऊन बघा,
लक्षात येईल बायको हा, चेष्टेचा विषय नसतो,
तो मानाचा, प्रेमाचा, आयुष्यभराचा जोडीदार असतो ।।३ ।।