संसार

तो संसाराचा राजा, ती त्याच्या मनाची राणी,

दोघांच्या संसाराची, छोटीशी ही कहाणी ।।
तो कामावरती जाणार, घरीही पैका आणून देणार,
त्या पैक्यात टी त्यांचा, संसार फुलविणार,
काही स्वप्ने त्याची होते, काही स्वप्ने तिचीही होती,
संसार फुलविताना. त्यांची तगमग होत होती ।।१।।
ह्या संसाराच्या वेलीवरती, फुलले एक फुल,
त्यांच्या पदरी आता एक, होते गोंडस मूल,
सरला वसंत ऋतू, आता पावसाळा आला,
सांगे अडचणींच, वादळ घेऊन आला ।।२ ।।
तो धीट खंबीर, वादळात उभा राहिला,
त्याला टेकू, तिच्या खंबीर साथीचा लाभला,
या वादळातून त्यांची, संसाराची नाव तारली,
त्या दोघांना, एकत्र आणून गेली ।। ३।।
ना उरली त्याची स्वप्ने, ना तिची स्वप्ने वेगळी उरली,
त्या दोघांच्या संसाराची स्वप्ने त्यांनी, आता एकत्र पाहिली,
तो संसाराचा राजा, ती त्याच्या मनाची राणी,
दोघांच्या संसाराची, छोटीशी ही कहाणी ।। ३ ।।