रायाची अंतुरी

 का ग अशी झालीस तू,
कावरी ग बावरी,
प्रीत माझी तुझ्यावरी, 
या रायाची तू अंतुरी ||

कधी अवस कधी पौर्णिमा, 
परी साथ कधी सोडेना,
धरतीच्या सोबतीला, 
सदा नभी चंद्रमा,
त्याच परी तुझ्या  संगे 
राहीन मी सुंदरी...
प्रीत माझी तुझ्यावरी, 
या रायाची तू अंतुरी ||१||

तूच माझ्या मनामध्ये, 
तूच ग श्वासा मंदी,
तुझ्याविना गुंतणार,
कुठे ही ना, हा गाडी,
येऊ दे ग हसू आता, 
गुलाबी ओठांवरी...
प्रीत माझी तुझ्यावरी,
या रायाची तू अंतुरी ||२||

नको नजर चुकवू,
नको खेळू तुझ्या बटांशी,
काय तुझ्या मनात आता,
कळू दे या वेड्यासी,
नकार वा होकार जरी,
तूच माझी अंतुरी....
प्रीत माझी तुझ्यावरी,
या रायाची तू अंतुरी ||३||

दिवे लागणीला सख्या,
वाट तुझीच पाहते,
स्वप्न एकच पाहते मी,
तुझ्या घरी नांदते,
व्यापिले आयुष्य तूच,
आता सहावेना ही दुरी,
प्रीत माझी तुझ्यावरी,

या रायाची मी अंतुरी ||४||

---- विभव जोगळेकर