प्रेमाची ही जादूगीरी

कधी तू येशी स्वप्नामध्ये, कधी बसलेली शेजारी,
तूझ्यात माझा जीव गुंतला, प्रेमाची ही जादूगीरी. || धृ||

श्वास तू,  विश्वास तू, प्रेमाचा एहसास तू, 
कातरवेळी निळ्या आकाशी, रंगांची बरसात तू, 
रंगात तूझ्या मी रंगून गेलो,  प्रेमाची किमया सारी,
तूझ्यात माझा जीव गुंतला,  प्रेमाची ही जादूगीरी  || 1||

कधी तू अल्लड,  अवखळ,  चंचल, 
कधी निरागस,  नाजूक,  कोमल, 
तूझ्यासारखी एकच तू, जगी न कोणी तूझ्यापरी,
तूझ्यात माझा जीव गुंतला, प्रेमाची ही जादूगीरी || 2 ||