मन फितूर फितूर..

तुझा आवाज ऐकण्या, कान हे आतुर,

डोळे लावून बसलो सखे, तुझ्या वाटेवर,

मन व्याकुळ व्याकुळ, मन आतुर आतुर,

हे माझे न रहाता, तुला फितूर फितूर ।। 

गालावर खळी, त्यावर विसावली बट,

मन व्यापून टाकते, तुझे गोड स्मित,

मिटता लोचने, का मनी हुरहूर, 

हे माझे न रहाता, तुला फितूर फितूर ।।

कधी घरी मी एकटा, किंवा मैफील दोस्तांची,

का सतत चालते, घालमेल ह्या जीवाची, 

का मनाला कायम तुझीच फिकीर, 

हे माझे न रहाता, तुला फितूर फितूर ।।