दप्तराचे ओझे नको,
छ्डीवाले शिक्षक नको,
शाळा अशी हवी जिथे,
परीक्षेचं टेन्शन नको ॥
शाळेच्या पहिल्याच दिवशी,
अभ्यास होमवर्क काहीच नको,
अर्ध्या दिवसाहून मोठा,
शाळेचा पहिला दिवस नको,
नव्या कोऱ्या वहिचा,
वास कधी संपायला नको,
शाळा अशी हवी जिथे,
परीक्षेचं टेन्शन नको ॥ १ ॥
नवीन मित्र शाळेत येताना,
जुने सोडून जायला नको,
अभ्यास कितीही वाढला तरी,
दंगा मस्ती कमी व्हायला नको,
तासामध्ये डबा चोरून खाताना,
शिक्षकांनी पकडायला नको,
शाळा अशी हवी जिथे,
परीक्षेचं टेन्शन नको ॥ २ ॥
No comments:
Post a Comment