प्रेमाच्या आपल्या संसाराला, चार वर्ष झाली कळलीच नाही ॥
चारच दिवसांपूर्वी तर भेटलो आपण,
लग्न केलं, प्रेमात पडलो,
कि प्रेमात पडून लग्न केलं,
अजूनही मला उमगत नाही ….
प्रेमाच्या आपल्या संसाराला, चार वर्ष झाली कळलीच नाही ॥
चारच पाउलं तर चाललो आपण,
दोन धडपडण्याची, नि दोन पाउलं प्रेमाची होती,
तुझयासंगे ही चार पाउलं,
कधी चाललो कळलंच नाहि …
प्रेमाच्या आपल्या संसाराला, चार वर्ष झाली कळलीच नाही ॥
चारच क्षण तर जगलोय आपण,
एक क्षण दुख्खाचा, तर तीन क्षण प्रेमाचे होते,
यापुढील प्रत्येक क्षण प्रेमाचाच असेल शंकाच नाही ….
प्रेमाच्या आपल्या संसाराला, चार वर्ष झाली कळलीच नाही ॥
